【英國保險暗黑真相】點解你保險供得貴過人？揭開無良經紀唔想你知嘅「Loaded Premium」陷阱！

如果你有經 Broker 買過人壽或者收入保障保險，請你即刻攞份保單出嚟睇睇！你有無諗過，你每個月供緊嘅保費，可能俾人靜靜雞加咗價？

今日我要同大家揭開英國保險界一個極具爭議、但好多 Broker 都唔會同你講嘅潛規則Loaded Premium！

咩係 Loaded Premium？點解你會做咗水魚？

當 Broker幫你向保險公司報價時，系統原本計出嚟嘅真實保費可能只係 £30/月。但一啲貪心嘅 Broker，會利用系統嘅功能將你嘅保費「推高」到 £40/月。

點解佢哋要咁做？因為你每個月俾多咗嘅錢，會直接轉為Broker嘅佣金入佢哋袋！

更嬲嘅係你俾多咗錢，但你得到嘅保障額 (Cover) 係一毫子都無多到！

真人真事：英國監管機構出手打擊！

呢個絕對唔係都市傳說！近年英國金融行為監管局 (FCA) 已經多次點名批評呢種損害消費者利益嘅行為。但時至今日仍然極多大型Broker公司行使Loaded Premium。

喺早前嘅調查同埋近年推行嘅「消費者責任 (Consumer Duty)」法規中，FCA 發現有唔少不良經紀，為咗追求最高佣金，完全無向客人披露保費被刻意標高。有新聞案例指出，有人份保單足足被 mark up 咗130%！

睇到呢啲業界醜聞，我真係好憤怒。作為一個專業嘅財按揭及保險顧問，我嘅職責係幫你建立安全網，唔係搾乾你嘅銀包。

呢個亦都其中一個我決定離開舊公司嘅原因，自己出嚟開公司去保證：

1. 絕對無 Loaded Premium！

2. 你見到嘅quote就係最真實嘅價 - 同直接向保險公司報價會係一模一樣！

3. 我只會賺取保險公司提供嘅標準佣金，絕唔會喺你嘅每月保費上做手腳。

我深信只有 100% 透明同真誠，先對得住自己同你哋。

你有無中過伏？留言講低你嘅經歷！

你有無試過懷疑自己份保單買貴咗？或者曾經遇過一啲報價極不透明嘅情況？歡迎喺下面留言分享你嘅經歷，等更多人警惕！

如果你對現有嘅保單有懷疑，或者正準備為家人買一份人壽/危疾/收入保障，唔好隨便簽名！

即刻聯絡我，等我幫你做個免費、透明嘅保單檢閱同格價，確保你用最公平嘅價錢，買到最合適嘅保障！

Recent Posts