【Leasehold地租大改革懶人包】Leaseholders 終於有救？對樓市、按揭有咩影響？📉🏠

各位業主同準買家留意！BBC 最新報導，英國政府計劃將現有 Leasehold 物業嘅地租 (Ground Rent) 上限設定為每年 £250！

對於好多苦受「天價地租」困擾嘅業主嚟講，呢個絕對係震撼彈！到底呢個政策係點？對你有咩影響？

1️⃣ 現況有幾「伏」？

以前好多發展商喺Leasehold 合約加入魔鬼條款，例如：

❌ Doubling Ground Rent： 地租每 10 年或 15 年 Double 一次，幾十年後變成天文數字。

❌ 超過 £250 門檻： 一旦地租超過 £250 (倫敦外) 或 £1,000 (倫敦內)，法律上物業可能會被視為 AST (租務合約)，令業主面臨被收樓風險大增。

❌ 按揭難批： 銀行見到呢啲條款會拒批按揭，導致物業變成「有價無市」，賣唔出又轉唔到按。

2️⃣ 新政策重點

✅ 封頂 £250： 建議將現有 Leaseholders 嘅地租上限劃一 Cap 喺 £250。

✅ 分階段實施： 政府希望盡快立法，令現時以實行嘅地租合約可以逐步改革，最終廢除不公平嘅地租制度。

(註：具體實施日期仍需等待國會通過，現時估計需等待至2028年，建議密切留意最新公佈)

地租改革後三大贏家：

🥇首次置業 / 睇樓中嘅朋友

選擇變多： 以前見到地租高過 £250 嘅二手盤，或地租條款，Broker 通常會叫你避開。新例下，呢啲樓可能會解凍變回可考慮之列。

按揭容易咗： 銀行唔使再因為 Ground Rent 條款而拒絕申請，上車門檻稍微降低。

🥈準備轉按嘅朋友

逃生門打開： 如果你本身層樓有 Ground Rent 問題，以前可能好多銀行唔肯接你嘅轉按申請，被迫捱貴息 (SVR)。

脫困機會： 一旦封頂實施，你可以更容易轉去 High Street Banks 享受低息優惠，每月供款隨時慳返一大截！

🥉買樓收租投資者 (BTL Investors)

成本下降： 地租封頂意味著持有成本 (Holding Cost) 減少，Rental Yield 變相輕微上升。

⚠️ 潛在風險： 要小心「擠牙膏效應」。Freeholder (地主) 收少咗地租，可能會透過大幅增加 管理費 (Service Charge) 嚟填數！投資前一定要睇清楚管理公司嘅帳目。

改革需時：除咗要等待法例通過，仲要等待現時已經實行嘅地租合約慢慢跟上新法例，有好多人未必等到🤦🏻‍♂️

🇬🇧未來樓市與按揭展望

呢個政策對 Leasehold 市場係一支強心針，亦會令銀行放寬相關嘅審批準則 (Lending Criteria)。

不過由於牽涉到龐大嘅利益衝突（Freeholders 基金可能會反對），立法過程可能會有拉鋸。

按揭角度： 我哋預計lenders 會密切關注立法進度，一但落實，受影響物業嘅估價 (Valuation) 有機會回升。

總結： 雖然係好消息，但如果你而家急住買樓/轉按，仍然要非常小心檢查地租合約條款！

🏠 你睇中嘅樓有無地租問題？或者你層樓因為 Ground Rent 做唔到轉按？歡迎喺下面留言分享有關經驗👇🏻

📲 Contact 我免費諮詢